cfnorge.no
Norsk forening for cystisk fibrose

Publisert 04.03.2009   -   Sist endret 12.12.2011

Årets weekendsamling i region Vest går til Jondal og Folgefonn Sommarskisenter.
Sett av helga 5.-7.juni for ei aktiv og inspirerande helg med ski på beina.

Her vert det rikt høve både til å stå på ski (alpint) og å gå på ski (langrenn)
Sommarskisenteret leiger ut alt som trengs av utstyr for ei god skioppleving.

Foreininga har fått Extra-midlar til årets weekendsamling og me har derfor som mål å dekkje kostnadar til heiskort til alle, i tillegg til det meste av opphaldskostnadane.

Me legg oss på same nivå for eigendel som i fjor. Dvs kr.1.000,- for vaksne og kr.350,- for born.

Av fagleg opplegg kan nemnast at me får besøk frå psykolog Helen Solås fra Norsk Senter for Cystisk Fibrose. Me har også invitert foreininga sin likemannskoordinator med på helga. Det skal no utnemnast ny koordinator, og me vil ta kontakt med denne så snart ho/han er på plass. I tillegg vil vi invitere Vebjørn Vik og/eller Birger Lærum for å følgje opp temaet Vibeke Dreyer snakka om på årsmøtefagdagen i januar, inhalasjonar med hypertont saltvannsløysing. Sjølvsagt vil me også gjere plass til fysioterapeutane Vibeke og Stian.

Me sender ut informasjon med påmeldingsfrist rett over påske, men som sagt vil me gjerne at de set av helga allereie no.